បាត់ដំបង៖ កាលពីរសៀលថ្ងៃទី១២ ខែមេសា ឆ្នាំ២០២៣ ស្រុករុក្ខគីរី មានភ្លៀងធ្លាក់មួយមេលាយឡំជាមួយខ្យល់កន្ត្រាក់ បានបក់បោកខ្លាំងបណ្តាលអោយផ្ទះប្រជាពលរដ្ឋជិត ២០០ខ្នងរងការខូចខាត និងមនុស្សប្រុសស្រីចំនួន ៦នាក់បានរងរបួសធ្ងន់ស្រាល។
សមត្ថកិច្ចបានបញ្ជាក់ថា ផ្ទះប្រជាពលរដ្ឋដែលរងការខូចខាតដោយខ្យល់កន្ត្រាក់ខាងលើសរុបចំនួន ១៦០ខ្នង ក្នុងនោះឃុំបាសាក់មានចំនួន ៣ខ្នង រលំទាំងស្រុង ១ខ្នង ឃុំព្រែកជីកមានចំនួន ១៥៧ខ្នង រលំទាំងស្រុង ៣ខ្នង និងបណ្តាលអោយមនុស្សប្រុសស្រី ៦នាក់រងរបួសធ្ងប់ស្រាលផងដែរ។
ជាមួយគ្រោះធម្មជាតិខាងលើនេះដែរ អាជ្ញាធរក៏ដូចជាសមត្ថកិច្ចនៅមូលដ្ឋានបានខិតខំស្វះស្វែងចុះទៅពិនិត្យធ្វើរបាយការណ៍ ដើម្បីរាយការណ៍ជូនថ្នាក់លើអោយបានដឹងដើម្បីរៀបចំផែនការចុះជួយបងប្អូនអោយបានទាន់ពេល៕
ព័ត៌មានជាច្រើនទៀតសម្រាប់អ្នក
